На рустичната клупа на една од улиците во шпанскиот град Ла Естрада ѝ недостига елеганција, но поважна е посветеноста која е вложена додека да биде направена. Всушност клупата ја направил осумдесет и двегодишниот пензионер, Мануел Суто кој решил да пронајде место каде неговата сопруга ќе може да одмори додека шетаат.
Марија Суто е 79 години, таа има остеоартритис и се движи со помош на бастун. Откако неговата молба до локалниот совет за поставување клупа не наишла на очекуваниот одговор, Мануел решил да ги преземе работите во свои раце.
За да ја направам клупата ми требаше околу половина час – изјавил Мануел за локалните медиуми. Сопственикот на една локална продавница му дозволил да ја стави клупата пред неговата продавница, а таа била поставена таму во текот на ноќта како изненадување за Марија – пренесува Гардијан.
Hilo ⬇️:¡Gran iniciativa! 👏🪑
Ante la falta de respuesta del @c_aestrada a la petición de Manuel de poner un banco en la zona en la que pasea con su mujer. Este decidió construir e instalar un banco para que su mujer María, que está enferma, pudiese descansar durante sus paseos. pic.twitter.com/j4RS1s9WRS
— Matia (@MatiaFundazioa) June 9, 2021Кога ја виде беше воодушевена. Добив прегратка и бакнеж – изјавил гордиот пензионер.
Клупата стана популарна во градот, но Мануел апелира да ја користат само луѓето на кои им е најмногу потребна. Поради тоа на неа е напиишана пораката „Бидете внимателни. За постари граѓани“.
Тој истакнал дека неколку соседи го прашале да им направи клупа и ним, но тој ги одбил.
Направив само една и таа е за мојата жена – додал старецот.
Извор: telegraf.rs
