Пожарникарите продолжија денеска да се борат со три големи пожари што избувнаа речиси истовремено на грчкиот остров Хиос втор ден по ред.
Островските власти прогласија вонредна состојба, овозможувајќи централна координација на операциите за гаснење пожари и повикување на специјални единици од грчкото копно.
A fire is currently raging near the 33m2 supermarket — The blaze on Chios is out of control. The situation is very serious. (June 22, 2025)
📍 Location: Chios, Greece pic.twitter.com/CL3XDcDjei
— Weather Monitor (@WeatherMonitors) June 22, 2025Досега, 17 села и центар за прием на мигранти се евакуирани на егејскиот остров во близина на турскиот брег. Стотици луѓе се донесени на безбедно место. Според извештаите од денеска, туристите во моментов не се во опасност.
Силните ветрови продолжуваат да ги разгоруваат пламените јазици и да ја отежнуваат работата на пожарникарите, објавија грчките медиуми.
Според локалните власти, речиси 200 пожарникари со 38 противпожарни возила и бројни хеликоптери и авиони беа распоредени за да помогнат во гаснењето на пламените јазици.
Дополнителни засилувања пристигнаа со бродови од копното. МИА
