По наредба на премиерот Росен Жељазков, авион Спартан на бугарското воено воздухопловство отпатува за Република Северна Македонија кој во бугарските болници ќе превезе пет лица тешко повредени во пожарот во градот Кочани, соопшти бугарската Влада.
Во авионот патуваат бугарски медицински тимови, составени од лекари на интензивна нега и специјалисти за изгореници.
Повредените ќе бидат примени на специјализирани одделенија за изгореници во болниците во Софија и Варна.
Дополнително, итно е ставена во готовност клиничката база во болниците во Софија, Варна и Благоевград за да се примат повредени лица доколку има потреба. Бугарските болници се подготвени да примат уште повредени по координација со властите на Република Северна Македонија, информира Владата во Софија.
Од Бугарија се испратени и шест возила на Брза помош, а меѓу нив е нашиот доктор Дниел Кировски, кој е по потекло од Валандово, но живее и работи во Бугарија.
Д-р. Кировски за ММС велид ека возилата се веќе на граничниот премин и се очекува набрзо да пристигнат.
