Даниел, кој предизвика страшна сообраќајка во Романија, во која загинаа пет лица, меѓу кои и неговиот син (4), во моментот на хоророт ја држел сопругата на видео повик!
Се верува дека намерно ја предизвикал несреќата за да ѝ се одмазди на сопругата што го оставила и заминала во Германија. Во саботата, околу 16 часот, Даниел ги ставил своите три деца на возраст од 2, 4 и 8 години во автомобилот, а потоа на видео повик ја повикал сопругата и цело време се расправал со неа. Во еден момент тој намерно влетал на спротивната лента и удрил во автобус за обука на возачи, во кој се превезувале инструктор и две 18-годишни момчиња, пренесува телеграф.рс.
Сопругата на Даниел го оставила и заминала во Германија бидејќи повеќе не можела да го издржи физичкото малтретирање. Таа била на видео врска со Даниел за време на трагедијата и ги слушнала нејзините деца како во солзи го молат нивниот татко да успори.
Во судирот загинаа сите тројца патници во автобусот, Даниел и неговиот четиригодишен син, кој се наоѓал на задното седиште со братот и сестрата, кои по чиста среќа биле живи извлечени од згмеченото возило.
„Внуката и внукот врескаа во автомобилот, викаа: Тато, тато, застани! Снаата ми се јави и ми рече дека се убил…“, вели Марилена, мајката на Даниел.
Семејството на сопругата на Даниел изјави дека таа ја напуштила државата бидејќи повеќе не можела да го издржи насилството. На Даниел му родила три деца, а тој ѝ се заканил дека ќе ја убие.
По трагедиите, сопругата на Даниел се вратила во Романија за да го погреба својот син.
Трагедијата фрли дамка над Романија, а властите велат дека можеби би можеле да спречат смрт на едно дете и тројца невини луѓе само да знаеле што се случува.
„Никој ништо не пријавил. Да знаевме барем нешто за тоа што се случува во ова семејство, иако можеби не изгледа така, ќе најдовме начин да го спречиме тоа што е можно поскоро“, рече Јоан Бутнару, градоначалник. на Хилисеу Хорија.
