Бисера Антоанета одела од крајност во крајност. Од резервирање на авионски карти кои никогаш не ги искористила, а ги платила со народни пари, до ненавремено планирање на патувања, за кои потоа морала да ангажира владин авион да ја носи, тврди Миле Лефков, пратеник и член на ИК на ВМРО-ДПМНЕ на денешната прес конференција.
„Како навлегуваме во материјалите и раскалашеноста на Бисера Антоанета сфаќаме зошто државата е ограбена и зошто СДС всушност се бореле по секоја цена да останат на власт. Бисера Антоанета живеела во раскош. Таа ангажирала владин авион да ја носи до Цетиње во Црна Гора на настан. Имено за свои потреби министерката за култура поради ненавремено планирање на однапред дефинирана конференција во Цетиње, Црна Гора или од други побуди на 14.12.2022 испраќа допис до СОЗР за користење на владиниот авион за да на 16.12.2022 година да стигне во Црна Гора и за таа намена платила фактура кон СОЗР во износ од 102.347 илјади денари или 1664 евра“, изјави Лефков.
Тој прашува како е можно „Бисера Антоанета и нејзиниот кабинет да немале време да го испланираат патувањето, кога поканата во нејзиниот кабинет стасала на 02.12.2022 година.“ А таа реагирала, вели пратеникот, дури 12 дена подоцна. Што правела Антоанета 12 дена, дали чекала да дојде период од 2 дена пред настан за да има оправдување да лета со владиониот авион?
„Зошто наместо со владин авион Бисера Антоанета не заминала на службен пат во Црна Гора службено возило? Патувањето со службено возило е далеку поекономично, а со оглед на тоа дека се работи за кратка дестинација, не одзема ниту време.
Бисера Антоанета мора да одговори дали чекала да поминат 12 дена од пристигање на поканата за да може да побара од СОЗР да го користи владиониот авион 5 до 12, и тоа само од лични побуди? Дали државата била жртва на личните каприци на Бисера Антоанета?, праша Лефков.
