Струмичани денеска се сеќаваат на петте недолжни студенти, кои во 1951 година кај Ќучук Чешма – село Дорломбос беа убиени по долго мачење од припадниците на тогашна УДБА.
Студентите од Струмица Борис Белев, Стеван Топчев, Мирко Пецев, Георги Јарамов и Георги Костуранов сите од угледни струмички семејства, се пресретнати од 14 службеници на УДБА и убиени. Потоа нивните тела се погребани во заедничка гробница. Тогаш службата ја соопшти верзијата дека загинале при обид илегално да ја преминат границата и да пребегаат во Грција. Од Грција, како што соопшти УДБА, имале намера за заминат на Запад.
„Петмина студенти со напредни визии. Петмина патриоти возљубени во македонштината…Мирко Пецев, Ѓорги Јармов, Ѓорги Костуранов, Борис Белев и Стево Топчев – имиња и презимиња за кои заборав не смее да има. Никогаш и никаде да не се повтори такво зло.
Тие не го заслужија неправедното злосторство од 13 Август 1951 година, но ја заслужуваат почитта од сите струмичани и Македонци. Нека им се вечни споменот и славата!“, напиша градоначалникот Костадин Костадинов.
Ликвидацијата на петтемина студенти од Струмица се смета за едно од масакрирањата во повоена Македонија.
