Почина слоницата Даела, која беше атракција во Зоолошката градина во Скопје. Што се случи со слоницата и која е причината за нејзината смрт засега официјална информација нема.
По медиумите и на социјалните мрежи се шпекулира за угинувањето на слоницата, дека се криело и дека имало обид тајно да биде однесена на депонијата „Дрисла“.
Од друга страна, пак, има инфомации дека Даела не починала, туку дека е евтанизирана, бидејќи била слепа и многу стара.
-Одлуката за евтаназија ја донесе тим од Белгија, кои веќе една недела биле тука, бидејќи Даела е подарок од Белгија и одлуката мора да ја донесат тие, велат извори на ММС.
ММС се обрати до Зоолошката градина, од каде само ни рекоа дека наскоро ќе пуштат официјално соопштение.
Пред Даела во скопската зоолошка угинаа жирафите Каспер и Флопи, но и други ретки животни.
