Александра Рутовиќ, 24-годишната белграѓанка, синоќа беше крунисана за најубава Србинка на изборот за Мис на Србија, пренесува информер.рс.
Оваа титула претставува голем успех за Александра, која истакна дека нејзиниот татко Жељко Рутовиќ и дал голема поддршка за време на натпреварот.
На нејзиниот Инстаграм профил можете да најдете заеднички фотографии на кои позираат прегрнати, а Александра неодамна објави фотографија со својот татко со коментар „Мој тајко“.
Сепак, таткото на оваа млада дама има темно минато. На 22.03.2017 година, Жељко бил инволвиран во инцидент во еден белградски хотел, кога го застрелал бизнисменот Предраг Ранковиќ Пецони и го ранил во ногата.
По неколкумесечно судење, Вишиот суд во Белград во 2023 година донесе пресуда со која тој беше осуден на една година и 10 месеци затвор. Ова не е прва пресуда за Рутовиќ, бидејќи во претходната пресуда тој беше обвинет за напад на истото лице.
И покрај овие минати случувања, Александра даде интервју по освојувањето на титулата Мис на Србија, нагласувајќи дека сака да биде пример за девојки кои ја гледаат како инспирација, без разлика што се зборува за неа. Таа изјавила:
-Не сакам девојките да ми завидуваат, сакам да бидам нивен пример. Се надевам дека ќе бидам вистински пример за нив, ќе им покажам како треба и се надевам дека тие девојки, еден ден ќе го остварат својот сон, како што јас го имам мојот. Лентата не е тешка за носење…“.
Овој случај јасно покажува дека секој може да има друга страна на својата личност и дека е важно да се истражува и да се запознае личноста пред да се прејудицира.