Од 99,60 отсто преброени гласови на 3.463 избирачки места, според првите неофицијални резултати на Државната изборна комисија, коалицијата на ВМРО ДПМНЕ има 58 мандати, следна е коалицијата на ДУИ со 19, додека СДСМ и коалицијата има 18 мандати. ВЛЕН/ВРЕДИ со 13 мандати и по шест левица и ЗНАМ. Тоа се првичните проекции, што за нијанса се разликуваат од ноќеска, кога се’ уште се пребројуваа ливчињата, а кај ВМРО ДПМНЕ стоеше бројката од 59 мандати.
ВМРО ДПМНЕ освои 431.251 гласови или 43,23 отсто, наспроти 153.250 гласови или 15,36 отсто, Европскиот фронт предводен од ДУИ со 137.486 освоени гласови или 13,78 отсто, ВЛЕН – 106.991 гласови или 10,72 отсто. Левица има 67.338 – 6,75%, ЗНАМ 55.539 гласови – 5,57%.
По изборни единици ВМРО ДПМНЕ победи во пет изборни единици – освен во ИЕ 6, каде Европскиот фронт освои 39,56 отсто од гласовите, втор е ВЛЕН со 35,06 отсто. Тројката е со убедливо најголем процент гласови за ВМРО ДПМНЕ – 58% и веднаш следи ИЕ 4 со 56,67 %.
Ова се неофицијални резултати, со оглед на тоа дека тече рокот за приговори на гласањето.
В.К.
