Агонијата на Милиќ Вукашиновиќ трае од минатата година кога доби срцев удар и осум дена помина на интензивна нега. Пред тоа ја оперирал ногата, а добил и болничка бактерија која за малку ќе го убиела. Во соседството на овој рокер кој живее со сопругата Сузана, велат дека тој видно ослабел, пренесува курир.рс.
-Секогаш беше слаб, но сега е кожа и коски, па се плашев дека е уште полошо, но вели дека сега му е малку подобро. Ми се пофали дека можеби нема ни да мора да ја направи таа втора операција на срцето што е добра вест. Му се случуваа секакви работи, но мораме да бидеме искрени, неговиот начин на живот си го направи своето, вели сосед кој долго време го познава Милиќ и се сеќава каков бил во младоста:
-Имаше ретки моменти кога беше трезен или без опијати. Му завидувавме што живее со 200 на час, но сега ни завидува на нашето здравје и виталност. Тој е добар човек во душа, иако многу луѓе не го гледаат така поради пцовките и „гнасниот“ јазик. Сузана го смири и го среди. Да не се грижеше за него, којзнае што ќе му се случеше одамна. Таа е народна жена, секогаш убаво се јавува и зборува.
Во блиската продавница велат дека почесто се гледаат со Сузана, а со Милиќ одамна се виделе.
-Ја прашавме како е сега, покрај се што им се случи беа заразени и со вирус. Но, тие се борат. Доаѓа често, купува намирници и се што им треба. Единствената разлика е што таа повеќе не му купува цигари, престанал да пуши кога сфатил дека може да ја изгуби ногата, вели работникот, додека еден од муштериите додава:
-Го видов еден ден, мислам дека се враќаше од болница. Носеше маска и излезе од таксито со Сузана. Тој полека се движеше, таа го држеше. Се промени, но велат дека сега е малку подобар. Ќерка ми вчера се запозна со Сузана, па таа и кажа дека се извлекол. Среќен сум поради него, тежок е животот кога ќе изгубиш дете.
На крајот, сите знаат дека Милиќ имал здравствени проблеми и сите се понудиле да помогнат.
-Сакавме да помогнеме, кој може. Иако често ги нервирал соседите со викање и играње во станот, сето тоа се брише бидејќи е уметник.
Сосед кој живее во зградата во која живее и Милиќ вели дека бил страшен период кога неговата ќерка починала.
-Не знаевме што да му кажеме или со што да го утешиме. Се движеше како сенка. Тој молчеше и често седеше таму на клупата гледајќи во далечината. Не сме навикнати да биде толку тивок. Само се исуши бучниот човек. И кога му изразивме сочувство, тој беше речиси без зборови. Тешко беше да го видиш така, потоа му се слоши. Просто не е истиот човек, вели Владда.
