„Опенхајмер“ на Кристофер Нолан ги надмина номинациите за Оскар, вкупно 13. Следува Poor Things со Ема Стоун со 11 номинации, додека драмата на Мартин Скорсезе Killers of the Flower Moon доби 10 номинации.
Летниот блокбастер Барби заработи осум номинации.„Опенхајмер“ и „Барби“ ќе имаат голема битка во категоријата најдобар филм, заедно со уште осум осварувања, но изненадување е што Марго Роби, која беше главниот лик во хитот „Барби“, не е номинирана за најдобра актерка.
Без номинација остана и режисерката на филмот „Барби“, Грета Гервиг, но овој филм доби вкупно осум номинации, вклучително и во категориите најдобра споредна машка улога (Рајан Гослинг) и најдобра споредна женска улога (Америка Ферера).
Оскарите ќе се одржат на 10 март, а водител по четврти пат ќе биде Џими Кимел.
