Девет лица загинаа, а 30 се повредени во сообраќајната несреќа што се случи во турската провинција Мерсин.
Како што се наведува до несреќата дошло кога меѓуградски патнички автобус, кој сообраќал кон југоисточната провинција Мардин од областа Мармарис на запад од Мугла, удрил во бариера на излезот од тунелот Саријар и се превртел.
Mersin-Antalya yolu güzergahında, Aydıncık İlçemizin Yenikaş mah.sınırları içerinde Mersin istikametine doğru 40 yolcu, 3 mürettebatla seyir halinde Sarıyar tüneli çıkışı kazada 9 kişi hayatını kaybederken 30 yaralı Allah dan rahmet yaralılara şifa@KocakoyAk @Akparti pic.twitter.com/SbZBwyNUGV
— Hilmi Kaya (@HilmiKa76107205) January 16, 2024Според порталот „Дејли Сабах“, несреќата се случила на излезот од тунелот Саријар во населбата Јеникаш на автопатот Д-400, каде автобусот удрил во бариера и се превртел.
На местото на настанот се испратени екипи за итни случаи, вклучително и здравствениот персонал, жандармеријата, Дирекцијата за вонредни состојби и противпожарните бригади.
Повредените со возило на Итна помош биле пренесени во болница.
Гувернерот на Мерсин, Али Хамза Пехливан соопшти дека несреќата се случила на приближно 170 километри од центарот на градот, на автопатот Мерсин-Анталија, околу 01:15 часот.
„Трагична сообраќајна несреќа се случи како последица на превртување на патнички автобус со 40 патници и тројца членови на екипажот на пат кон Мерсин“, истакна гувернерот.
