Утринава се случи нова ерупција на вулканот на Исланд, а сега светските медиуми јавуваат дека лавата стигнала до градот Гриндавик кој претходно беше евакуиран и дека зафатила куќи.
Лавата се разлеала по улиците на градот и покрила дел од една куќа која се запалила, пренесува Би-Би-Си.
Состојбата по вулканската ерупција на Исланд е драматична, бидејќи во близина на градот Гриндавик се отвори нова пукнатина, а меѓу зградите почна да се разлева лава.
Лавата тече кон населбата и веќе ги „проголта“ првите куќи. Најмалку две куќи горат, јавуваат исландските медиуми.
Вработените во итната помош испратија порака до луѓето да не се приближуваат до градот во никој случај. Во Гриндавик има бројни служби за итни случаи и спасување.
Првата куќа се запали речиси веднаш откако до неа стигнала лавата.
Населението на Гриндавик брои вкупно околу 4.000 жители, претходно беше евакуирано поради значителна сеизмичка и магматска активност, а цивилната одбрана го подигна нивото на опасност во областа на вонредна состојба.
Во близина на Гриндавик има и туристичка атракција, геотермалната бања „Плава лагуна“, каде што, исто така, беше евакуиран хотелот.
Последната ерупција на полуостровот Рејкјанес почна на 18 декември минатата година во вулканскиот систем Сварценги, после целосната евакуација на Гриндавик и затворањето на „Сината лагуна“, наведуваат британските медиуми.
Гриндавик беше поштеден од штета за време на последната ерупција во декември, бидејќи лавата течеше во друга насока, заобиколувајќи го градот
Сите 4.000 жители требаше да го напуштат Гриндавик , по што е забрането да се вратат во градот во следните три недели, соопшти полицијата.
