Почина наградуваната јужноафриканска афро-поп пејачка Булелва Мкутукана, позната како Захара, објави министерот за култура на земјата. Таа имаше само 35 години.
Захара, која објави пет албуми, освои десетици домашни и меѓународни награди. Во 2020 година, таа беше вклучена во листата на 100 жени на Би-Би-Си.
Захара поминала некое време во болница поради компликации на црниот дроб, во тие моменти била со семејството, истакна министерот Зизи Кодва.
Пејачката се прослави во 2011 година со нејзиниот албум Loliwe, кој се здоби со популарност низ Африка.
Во 2019 година, Захара отворено зборуваше за нејзината борба со зависноста од алкохол.
Додека нејзиното семејство допрва треба да објави официјално соопштение, фановите тагуваат и споделуваат убави спомени за пејачката преку социјалните мрежи.
-Захара и нејзината гитара имаа неверојатно и трајно влијание врз јужноафриканската музика, објави Кодва на X.
