Ед Ширан ги изненади обожавателите кога почна да кружи гласина дека сам си ископал гроб во својот двор, а славниот пејач ја потврди гласината во неодамнешното интервју за GQ.
Ширан открил дека тоа е всушност само едно гробно место, направено само за него:
„Тоа е дупка ископана во земјата и има карпа над неа, па кога и да дојде тој ден, ќе одам таму“, пренесува индекс.хр.
Со овој морбиден потег тој ги шокираше фановите кои се прашуваат зошто 32-годишниот пејач се подготвува за сопствената смрт на прво место, но објасни зошто го направи тоа:
„Луѓето мислат дека е многу чудно и навистина морбидно, но јас имав пријатели кои умреле без тестаменти, па никој не знае што да направи“.
Ширан се соочил со бројни трагични загуби во приватниот живот, а многумина мислат дека тоа е причината за неговата одлука да си го ископа гробот. Имено, на 31-годишна возраст почина неговиот најдобар пријател Џамал Едвардс, го загуби и својот сакан ментор Мајкл Гудински, а потоа и колегата Шејн Вејн.
Можеби најтешкиот удар што го добил бил кога неговата сопруга Чери Сиборн се борела со тумор додека била бремена со една од нивните две ќерки, па не смеела да се лекува дури по породувањето. Токму во тој период ненадејно починал неговиот најдобар пријател Џамал.
„Поминував низ страв, депресија и анксиозност. Се чувствував како да се давам, со главата под површината, гледајќи нагоре, но не можев да добијам воздух“, го раскажува своето искуство.
Во чест на најблиските кои починале, Ширан изградил капела каде што одржува и свадби на пријатели.
