Баба и дедо, но и нивната деветгодишна внука загинаа во сообраќајна несреќа која денеска се случи на Ложионскиот мост на пат кон Златибор.
Сестрата (11) на девојчето е во тешка состојба и иако веќе е оперирана, поради сериозната повреда на главата, нејзиниот живот се уште е во опасност – пренесоа српските медиуми повикувајќи се на извори од Општата болница во Ужице.
До несреќата дошло утрово околу 08:05 часот кога дедото излегол од колоната од правец на Златибор и преминал на спротивната страна, кога со автомобил „шевролет“ прелетал директно под цистерната што се движела од правец на Пожега.
