Ноќеска пред полноќ во Скопје се случила сообраќајка, во која живото го загубило момќ од 25 години.
-На 31.07.2023 во 23.25 часот во СВР Скопје било пријавено дека на ул.„Словенечка” во Скопје се случила сообраќајна несреќа помеѓу патничко возило „мерцедес” со скопски регистарски ознаки, управувано од С.О.(39) од Скопје и патничко возило „мерцедес” со италијански национални ознаки, управувано од А.С.(41) од Скопје, при што возилото со скопски ознаки удрило во пешакот М.В.(25) од Скопје, информираат од МВР и додаваат:
-. По несреќата пешакот бил пренесен во Комплексот клиники „Мајка Тереза” каде им подлегнал на повредите. Возачот С.О. и неговата сопатничка М.О.(28) од Скопје се здобиле со тешки телесни повреди, а возачот А.С. со телесни повреди, констатирани во Комплексот клиники „Мајка Тереза” и Градската општа болница „8 Септември”, се вели во информацијата од МВр.
Извршен бил увид од Јавен обвинител и увидна екипа од СВР Скопје.
-Прибрани се траги и обезбедени снимки од видео надзор. Возачите на двата автомобили се задржани на лекување. Се постапува за утврдување на причините за несреќата, информираат од ЈОРМ.
