Поевтините патарини низ Македонија за српските граѓани започнаа пред неколку дена, а истиот уред за ознака ќе важи и за патувања низ Северна Македонија и Србија, дознава „Блиц Бизнис“.
Спорд нив возачите добиваат две поволности – побрзо, но и поевтино ќе ја поминат наплатната рампа.
Како што им потврдиле во ЈП „Патишта Србија“, заедничкиот систем за електронско плаќање успешно ги поминал сите тестови. Тоа практично значи дека секој што патува со автомобил во Грција може да ја користи брзата лента низ Северна Македонија, односно со српска патарина да помине низ соседната земја речиси без застанување.
На овој начин патарината е за шест отсто поевтина во однос на редовното плаќање, со оглед на тоа што патарината е речиси покачена за 14 отсто, а за возачите кои користат ознака за 8 отсто.
-Сега ќе биде многу побрзо преку Македонија и Србија, но и поевтино. Уредот за ознаки може да се купи на многу места, на пумпи и во пошта. Чини 2.022 динари – ни изјави Зоран Дробњак, в.д. ЈП Путева Србија.
Иницијативата започна во септември 2021 година како дел од иницијативата „Отворен Балкан“.
На самитот одржан во Охрид во јуни 2022 година, беше договорено да се воспостави единствен електронски систем за наплата во Република Србија, Република Северна Македонија и Република Албанија, а подоцна и во другите земји кои се приклучуваат на иницијативата.
На овој начин, во еден момент граѓаните на Србија, Северна Македонија и Албанија ќе можат да плаќаат патарина во сите три земји без да застанат со ист уред за електронска наплата. Со тоа ќе се зголеми безбедноста во сообраќајот, ќе се намали метежот на автопатите и ќе се олесни протокот на возила на наплатните пунктови, а граѓаните побрзо ќе стигнат до посакуваната дестинација.
