Животот понекогаш пишува романи, а доказ за тоа е жена која чекала 43 години да се омажи за љубовта на својот живот.
Ова е уште една инспиративна љубовна приказна како ниедна друга, потсетувајќи нè дека кога двајца луѓе делат посебна врска, ништо не може да ја уништи нивната љубов, дури ни времето.
„Тој беше мојата прва љубов“. Тој беше мојата вистинска љубов“.
Вака Жана го опишува човекот со кој била принудена да раскине пред 43 години. Но, за среќа, љубовта на оваа двојка беше запишана во ѕвездите, а години подоцна тие успеаја да се обединат, па дури и да се венчаат.
Жана (69) и Стивен (73) за прв пат се запознале во 1971 година, кога таа ја започнувала првата година како бруцош, а тој бил во последната година на факултет.
И иако парот имал силна врска и Стив бил првата вистинска љубов на Жана, тие морале да се разделат бидејќи нејзината мајка не ја одобрувала нивната врска поради разликата во бојата на кожата.
И покрај неодобрувањето на нејзината мајка, младиот пар продолжил да се гледа 7 години.
Меѓутоа, кога Жана завршила со школување за медицинска сестра и започнала работа која барала од неа да патува на долги растојанија и често да работи 12-часовни ноќни смени, ѝ било тешко да го види Стивен, кој немал автомобил.
Таа призна: „Бев целосно обземена од се“.
Жан понатаму објаснила: „Целата оваа ситуација многу ме погоди, особено откако мајка ми го прекина секој контакт со мене, а јас бев многу приврзана за семејството“.
И покрај тоа што нејзината мајка била причината поради која морало да ја напушти љубовта на нејзиниот живот, таа не можела само да се откаже од своето семејство.
Двојката дури разговарала за можноста за брак, но Жана се плашела да се обврзе. Таа објасни: „Би го изгубила целото семејство“.
Без друг избор освен да ја прекине нивната врска, Ќана се сеќава како стоела покрај телефонот во собата на медицинските сестри во болницата каде што работела во тоа време, и токму тогаш му ја соопштила тешката вест на Стивен. Таа му рекла: „Те сакам, но едноставно не можам да ја продолжам нашата врска“.
Ненадејното раскинување било погубно за Стивен и го оставило запрепастен и без зборови. Тоа било и тежок крај за Жана и ја прогонувало со години. Таа признава: „Тогаш се покајав, начинот на кој го направив тоа беше страшен, но го направив тоа“.
Секој живеел свој живот до 2021 година, кога Жана, тогаш пензионирана вдовица, која по смртта на нејзината мајка, почнала да го бара Стивен. Но, и покрај нејзините најдобри напори, таа не успеала да го најде преку социјалните мрежи.
„Немаше апсолутно никаков знак од него“, рече Жана.
За среќа, во април 2021 година, Жана наишла на адресата на внуката на Стивен и ѝ испратила писмо. Нејзината внука ја известила дека Стивен е во дом за стари лица, а потоа таа решила да ги преземе работите во свои раце.
Жана се јавила во домот за стари лица и прашала за Стивен. Жана потоа му напишала уште едно писмо на Стивен, но не добила одговор. Кога таа се јавила, медицинската сестра ја известила дека тој не може да комуницира преку телефон.
Потоа решила да отпатува за да го посети.
Морав да знам, дали е добро, дали е оженет, дали ми простил што го оставив?“, рекла Жана во својата исповед.
Кога конечно влегла во неговата соба, Стивен веднаш ја препознал и го изговорил нејзиното име, а солзи му течеле по лицето. Таа призна: „Знаев дека тој сè уште ме сака“.
Неколку месеци подоцна, Жана го донела Стивен во нејзината куќа, а тој откри: „Таа е прекрасна. Таа е моето срце и душа. Сакам секогаш да живеам со неа“.
Стивен набрзо ја запросил Жана и двајцата се венчале во нивниот заеднички дом пред околу 65 пријатели и членови на семејството.
Среќната невеста потврдува: „Конечно можеме да го поминеме остатокот од животот заедно правејќи планови“. Го зела и презимето на Стивен, за што признала: „Го сакав долго време“.
