Центарот за управување и контрола на сообраќајот на Град Скопје ги известува граѓаните дека во моментов за сообраќај во двете насоки е затворен мостот кај Нова железничка станица, од крстосницата со ул. „Ѓуро Ѓоновиќ“ и ул. „Никола Карев“ до крстосницата помеѓу ул. „Беласица“ и бул. „Гоце Делчев“.
Синоќа изби пожар на мостот, што беше локализиран.
„На 11.05.2023 во 23.59 часот пријавено е дека настанал пожар под мостот на ул. Беласица во Скопје. Полициски службеници излегле на местото на настанот, а сообраќајот бил пренасочен. Пожарот е изгаснат од екипи на Бригадата за противпожарна заштита“,соопшти МВР.
Сообраќајот ќе се одвива во согласност со привремено воведен изменет режим, па сега возилата се пренасочуваат по околната сообраќајна улична мрежа.
ЦУКС апелира до сите учесници во сообраќајот да бидат внимателни и да ја прилагодат својата брзина на движење според условите на патот.
фото: Билд
