Седум лица вдишиле чад при пожар што избувнал попладне околу 16.30 часот на ул. „Кочо Рацин“ во Скопје, кој веќе е изгаснат од противпожарните служби на град Скопје. На повредените лица им е пружена медицинска помош, потврди за МИА Ѕвонко Томевски, командант на Бригадата за противпожарна заштита на град Скопје.
Пожарникарите интервенирале со две возила во гаснењето на пожарот што избувнал во стан на втори кат во зграда на ул. „Кочо Рацин“, а поради зафатениот голем простор вкучено е дополнително потивпожарно возило.
– Има повредени седум лица, со вдишување чад, веднаш се повикани медицински екипи и пружена им е помаш. Пожарот за кратко време е локализран и целосно изгаснат, изјави Томевски.
Екипите на МВР работат на утврдување на причините за пожарот.
