Остануваат уште две недели до 14 јули, кога почнуваат летните распродажби. Како што е најавено, ќе траа до 31 август. Во соседна Грција, каде недела е неработен ден секаде, вклучително и во моловите, продавниците ќе бидат отворени и во недела, 20 јули, со работно време од 11:00 до 18:00 часот. На трговците ќе им се даде можност да ги држат своите продавници отворени до 20:00 часот, доколку сакаат.
Со оглед на летните распродажби, Организацијата на потрошувачи на Грција потсетува на одредени основни права што ги имаат потрошувачите во текот на овие специфични периоди со цел да вршат побезбедни и попретпазливи купувања.
-При определување на намалените цени, првобитните и новите намалени цени на производите треба јасно да бидат наведени, на местата каде што се продаваат понудените производи, со упатување на соодветната мерна единица по производ.
-При спроведување на попусти, покрај наведувањето на старите и новите намалени цени на стоките и услугите што се продаваат со попуст, дозволено е и наведување и комерцијално соопштување на дисконтната стапка. Доколку е предвидена намалена цена за повеќе од 60% од сите продадени артикли, обезбедената дисконтна стапка мора да биде наведена во излогот на продавницата и во секоја друга комерцијална комуникација, а во случај да има различни дисконтни стапки по категорија на производи, мора да биде наведен опсегот на обезбедената стапка („од …. % до …. %“). Во секој друг случај, ќе биде наведено дека попустите се однесуваат на избрани артикли со упатување на соодветната цена.
Доколку попустите, понудите или какво било објавување за намалување на цената се неточни или заведувачки во однос на процентот на попустот или во однос на цените или во однос на количината на производи што се нудат со попуст или се во понуда или вклучуваат каква било форма на прикривање или измама, на трговецот ќе му се изрече казна до 2% од годишниот промет и во секој случај не помалку од 20.000 евра. Доколку трговецот биде казнет за истиот прекршок по втор пат во рок од пет години, максималниот износ на казната се зголемува на 4% од неговиот годишен промет.
