Рускиот претседател Владимир Путин ја прифати поканата на индискиот премиер Нарендра Моди да ја посети Индија, соопшти Кремљ.
- Индискиот лидер ја потврди поканата до рускиот претседател да ја посети Индија за традиционалниот годишен билатерален самит. Поканата беше прифатена со благодарност, се вели во соопштението на прес-службата на Кремљ.
За време на телефонскиот разговор што се одржа денеска, Путин и Моди нагласија дека односите меѓу Русија и Индија се посебни, не се под влијание на надворешни влијанија и продолжуваат динамично да се развиваат.
„Во разговорот со Путин, Моди ѝ го честиташе на Русија претстојниот Ден на победата“, соопшти прес-службата на Кремљ.
- Нарендра Моди им честиташе на Владимир Путин и на целиот руски народ за претстојната 80-годишнина од Победата во Големата патриотска војна, се вели во соопштението.
Во разговорот беше забележано дека индиски претставник ќе присуствува на прославите во Москва на 9 мај, забележува ТАСС, потсетувајќи дека портпаролот на Кремљ, Дмитриј Песков, претходно објави дека Моди нема да пристигне во Москва за оваа пригода.
Двајцата ја нагласија потребата од бескомпромисна борба против тероризмот во сите негови манифестации, додаде прес-службата на Кремљ.
