Семејството на музичарот Ѓорѓи Ѓоргиев од Струмица, кој беше тапанар во групата ДНК, а кој прерано го загуби животот во пожарот во шталата „Пулст“ во Кочани решија да ги подарат неговите тапани.
Како што пишува струмицаденес.мк, неговите родители решиле омилениот музики инструмент на Ѓорѓи-тапанот, да го подарат на талентираното момче Бојан Трајков од Василево.
„Ѓорѓи нека свири преку тебе,“ беа тивките, но силни зборови на мајката на Ѓорѓи, додека му го подаваше тапанот на младиот Бојан, чиј поглед беше исполнет со благодарност и ветување дека секој удар ќе биде посветен, пишува струмицанет.мк
Со овој гест Бојан, кој уште од најрана возраст го чувствува ритамот како дел од своето срце, доби нешто повеќе од инструмент, доби благослов, доверба и наследство кое зборува со звуци наместо со зборови.
Ѓорѓи беше симбол на младоста, музиката и животната радост. Неговите ритми одекнуваа во срцата на многумина. За жал таа кобна ноќ, како дел од бендот настапуваше во „Пулс“.
