На подрачјето на Прилеп беа залепени плакати со порака „Има нас “.
-Акцијата за постери во Прилеп ја организираше прилепскиот огранок на Народно движење „Југословени”. Истите плакати со кои се величи југословенската идеја беа залепени во Скопје, Белград, Сараево, Загреб и Подгорица. Кога Југославија се распадна, се чинеше дека на југословенската идеја и дојде крајот.
Ревизионистите, националистите и опортунистите, туркајќи го нашето општество во непотребна граѓанска војна заснована на етничка и верска нетрпеливост, заземаа позиции во општеството кои никогаш немаше да им припаднат ако Југославија опстана. И покрај сето она што гореспоменатите го направија и сè уште прават за бришење на југословенскиот идентитет и име, нашиот дух опстана. И не само што преживеа, туку и се шири, се засилува и се погласно. Југословените креваат глави и велат „Има нас“, вели Илчо Наумоски и додава:
-Прилепскиот огранок на движењето посочува дека во Народното движење на Југославија, кое се занимава со југословенството, а не само со одржување спомени за „некои подобри времиња”, го пронашле вистинскиот зачеток на југословенското „околу кое некогаш го собиравме и кое Тито не остави да го негуваме”. Различноста што постоеше во социјалистичка Југославија беше нејзиното најголемо богатство; најголемото културно-цивилизациско достигнување на нашата заедничка земја, кое досега не можеше да го постигне ниту една земја на овој свет, без разлика на нејзиниот степен на културен, цивилизациски и технолошки развој, вели Наумоски од Народно движење „Југословени” подружница Прилеп.
