Саша Поповиќ, основач на „Гранд продукција“ и шоумен, почина денеска на 70-годишна возраст, по кратко и тешко боледување, соопшти денеска Гранд продукција.
Неговиот необичен животен пат беше испреплетен со предизвици, неуспеси и напори кои го доведоа до самиот врв и слава за која многумина сонуваат.
Саша Поповиќ е роден како Александар во 1954 година, а детството го поминал во парохиска куќа во Нови Сад, каде што бил свештеник неговиот дедо, протоереј Стеван Поповиќ.
Саша не можеше ни да сонува за тоа, особено за успехот што му го предвиде познатата Баба Ванѓа.
„На 47 или 48 години ќе станеш голем режисер и ќе ја имаш целата забавна индустрија под нозе, нема да се жениш уште најмалку шест години, групата „Слатки грех“ ќе се распадне и ќе умреш на 86 години. Нема да загинеш, ниту ќе те повреди некое оружје. Ќе заспиеш и нема да се разбудиш“, биле зборовите на познатата Баба Ванѓа до Саша Поповиќ.
За жал, таа погоди се, освен годината на смртта, иако денес никој не верува дека нè напушти најголемиот Саша Поповиќ, човек кој се раѓа еднаш, пишува Гранд онлајн.
-После таа посета бев збунет, но сега гледам дека се се случи како што рече таа. „Слатки грев“ се распадна во 1991 година поради војната, со Сузана почнав да излегувам во 1996 година, а се венчавме во 1998 година. После тоа го отворивме „Гранд“, јас станав режисер, а сега ја чекам таа 86-та година“, изјави неодамна директорот на Гранд.
По зборовите на Баба Ванѓа, Саша продолжи да ја гради кариерата со насмевка, се до денот кога материјално изгубил се.
Во раните деведесетти тој ги депонирал сите свои заштеди, 400.000 марки, автомобили и стан во Дафимент банка, а набрзо сето тоа исчезнало, како ветрот да го однел.
-Бев во Виена кога Брена ми се јави да подигнам пари бидејќи слушнала дека нешто не е во ред. Отидов во банка, ми останаа околу 405.000 марки, бидејќи претходно имав извадено некој денар од мојата сметка. Ги зедов парите, но дојде Дафина и ми рече уште три месеци и ќе имаш 700.000! Се согласив и за само седум дена банката пропадна – тој откри и, како што рече, доживеал вистински очај.
Сузана во неговиот живот влегла сосема неочекувано кога имал 42 години, а само три години подоцна ја добиле ќерката Александра.
Многумина се прашуваа кога ќе дојде време Саша да се пензионира и да се одмори по вртоглавите успеси кои ги постигна во својата богата кариера.
Сите мислеа дека дојде тој момент кога тој и Брена го продадоа Гранд, но Саша не можеше без работа.
Тој стана креативен директор на Гранд и реши да продолжи да го води „Ѕвездите на Гранд“, шоу кое никогаш нема да биде исто без него.
-Не можам без работа иако сум во пензија. Баба Ванѓа ми рече дека ќе умрам на 86 години, што значи дека имам уште 18 години да уживам. Решив да го искористам тоа време за да ги возам автомобилите што ми се допаѓаат. Најмногу го сакам џипот Мерцедес МЛ од 2007 година, кој го купив нов во Германија“, изјави неодамна Саша Поповиќ.
