Вооружена престрелка утрово кај Мавровка во Скопје. Во инцидентот едно лице го загуби животот, но идентитетот сѐ уште е непознат.
Во моментот голем број полициски екипи се на терен, додека местото е оградено со полициска лента. Од Министерството за внатрешни работи засега нема информации во врска со случајот, но како што пренсе телевизијата Алсат, жртвата се наоѓала во автомобил марка пежо кога напаѓачот дошол до автомобилот, го отворил багажникот, извадил пакет и потоа го застрелал возачот.
Ова е второ пукање во главниот град во последните 24 часа по вчерашното пукање во Ченто при што едно лице беше тешко рането и хоспитализирано.
