Голем пожар во борова шума беше предизвикан доцна синоќа на грчкиот остров Идра од огномет и пиротехнички средства испукани од приватна јахта, пожар што веќе е локализиран, јави дописничката на МИА од Атина.
Според грчките медиуми, постоела пријава од капетан на соседен брод дека од огнометот од конкретната јахта бил предизвикан пожарот, а од претпладнево во тек е прелиминарна истрага на противпожарната служба на Грција.
Јахтата е закотвена во морскиот дел во близина на Атина, според истите информации, ја изнајмиле група од 17 странски државјани кои денеска ќе дадат исказ.
Градоначалникот на Идра Јоргос Кукудакис, говорејќи за грчката телевизија ЕРТ изрази огорченост од фактот што „некои луѓе толку неодговорно фрлаат огномет во борова шума“.
Осуда за туристите имаше и на социјалните медиуми.
Осуди имаше и на социјалните мрежи.
„Богаташи со повеќе пари отколку мозок“, напиша една личност.
