„Лажни светови” е насловот на најновата песна на Бојана Скендеровски. Станува збор за одлична балада во која таа го покажува сиот свој раскош, сета своја емоција
„Лажни светови“ е вистинска емотивна, женска песна, која Бојана ја носи маестрално и го покажува сиот свој музички раскош. Автор на музиката и текстот е Александар Тарабунов – Тара, додека аранжманот е со потписот на Димитар Андоновски.
![](https://mms.mk/wp-content/uploads/2024/03/bojana-promocija-8-photo-vangel-tanurovski_mms-1024x741.jpg)
„Одамна сакав ваква песна, сакав да отпеам нешто што ќе трае. Сакав песна со музика, мелодија и песна што ќе може да биде отсвирена во живо, со инструменти. Во денешно време на компјутерска музика ни недостасуваат песни со мелодија отсвирени во живо“, рече Бојана и призна дека верува во “Лажни светови” зашто е направена со многу љубов, емоции.
![](https://mms.mk/wp-content/uploads/2024/03/mile-kuzmanovski-1-photo-vangel-tanurovski_mms-1024x688.jpg)
За песната е снимено и видео кое е работено под капата на Скендеровски продукција, во кое главната улога и припаѓа на Бојана, а акцентот е ставен на емоцијата. Бојана се појавува во неколку интересни креации за кои беше задолжена Ивана Кнез.
![](https://mms.mk/wp-content/uploads/2024/03/bojana-promocija-11-photo-vangel-tanurovski_mms-1024x681.jpg)
Тука не завршуваат новитетите кога е во прашање името на Бојана и Скендеровски продукција. На 23 март стартува втотиот дел од караванот „Македонијо во срце те носиме“. Прв на списокот градови е Свети Николе. Концертот е закажан на 23 март на Тодорова сабота, а стартот на концертот е во 14 часот и истиот ќе се одржи во рамките на прославата која е традиционална во овој град и е по повод овој убав празник.
![](https://mms.mk/wp-content/uploads/2024/03/bojana-promocija-15-photo-vangel-tanurovski_mms-731x1024.jpg)
Значи, убавата македонска песна продолжуваме да ја славиме и оваа година, а пораката останува иста – дојдете заедно да пееме и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)