За какви инвестиции зборува Лукаревска, 7 години една шајка не заковаа, државата ја уништија и запустија. Со најголеми буџети од над 5 милијарди, 7 години не можат да го направат патот Охрид Кичево, кој беше оставен со над 60% реализираност, реагира ВМРО-ДПМНЕ на интервјуто на директорката на УЈП Сања Лукаревска за „Фокус“.
„Еден километар од Скопје до Блаце не можат да почнат, а не пак да го направат, еден селски пат немаат направено. Лукаревска е најнеуспешен директор на УЈП. Милиони се испумпаа од УЈП со фиктивни фактури, кога ВМРО-ДПМНЕ објави таа негираше, за сега сама да признае дека имало криминал, велат од ВМРО-ДПМНЕ.
Јавниот долг го зголемија за 70% за 7 години, а лекови за болни нема. Милиони фрлија по тендери, а секоја учебна година почнува без учебници. Државата е колабирана по сите основи. Сите земји од регионот од 2017 до 2023 година имаат раст на БДП по глава на жител над 50%, само Македонија со СДС и ДУИ 20%. Прашањето како е тоа можно? Одговорот е имаме влада која е двојно послаба од владите во сите околни држави од Албанија, преку Србија и Црна Гора до БИХ. Нема држава во регионот која е зад нас. СДС и ДУИ можат да бидат горди, први сме, но од позади. СДС и ДУИ ја уништија државата. Никогаш не било полошо. Важно е да ги поразиме“, се вели во партиското соопштение.
