Министерството за здравство информира дека поради истекување на мандат во време на предизборниот период, спроведени се конкурси во три јавно-здравствени установи, за избор на четири директорски места.
– На Клиниката за инфективни болести и фебрилни состојби во Скопје, по спроведениот конкурс за нов медицински директор, избран е доктор Фадил Цана, согласно доставените документации. На Клиниката за гинекологија и акушерство во Скопје, по спроведените конкурси, мандат добија доктор Викторија Јовановска како медицински директор и Јетон Шаќири како организациски директор. На Клиниката за психијатрија, за медицински директор е назначен професор доктор Стојан Бајрактаров, појаснуваат од Министерството.
Здравствените власти тврдат дека сите именувани директори на јавно-здравствените установи се стручни во својата област и имаат долгогодишно искуство.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)