За дочекот на Новата 2024 година, на плоштадот „Македонија“ во Скопје ќе настапуваат Тин Камп, Лејдис Оркестра, Пауза за ракија, Тринити Стрингс, Слаткар, Дарио, Мерак Меана со Сузана Гавазова, Влатко Миладиновски, Стојне Николова, Блага Петреска и Душко Георгиевски.
Дел од празничната програма се и детски претстави, меѓу кои и претставата „Исполнета желба“ од Театар за деца и младинци, детската шоу програма Биби и Боби, настапот на 300 деца од Еурека и Брејк а лег и детски маскоти.
Детски новогодишни претстави, настап на над 40 музички ѕвезди и голем број на разновидни активности нуди празничниот базар кој вчеравечер беше отворен во центарот на Скопје.
Базарот е во организација на „Комора на музичка индустрија“ и Град Скопје, а ќе трае четиринаесет дена.
На отворањето на базарот кој го отворија младите музичари од Дајте музика, присуствуваше и градоначалничката на Град Скопје Данела Арсовска која на присутните им посака следната година да ја одбележат среќата, здравјето, радоста, хумнаноста и солидарноста.
Градоначалничката рече дека новата година ќе ја пречека со семејството во домашни услови.
Во текот на празничниот базар свои настапи ќе имаат ЕРА ѕвездите, Ана Петановска, Мите Стоилов, Мартинијан Кириловски, Мила Николовска и Џенгис Мемедоски, Елена Ристеска, Каан Мазхар, Даниела Темелковска, Поточиња, Бени Нон Стоп, Љубојна, Пајак, Благоја Грујовски и Елена Велевска, Куку Леле, Група Саут Парк, Ареа, Фолтин, диџеј Ерик Фокс, Скопје Лејдис Оркестра, Јанг Дади, Симона Попоска, Ристо Самарџиев, Лидија Кочовска, Ринг Тонс бенд, Дани Димитровска, диџеј Ампов, Два Бона, Лозано, КУД Скопје, Нино Величковски, Полина Тасева, Група Мјузаик, Теа Трајковска, Дупер, Антониа Гиговска, ДНК, Марјан Коцев и Анета Љумаковска, Викторија Лоба, Ламбе Алабаковски, Миле Кузмановски, Sarah Mace & The Christmas Girls, Аманет, Фиц D’invisibles, Некст Тајм.