Најмалку седум лица загинаа вчера во серија сообраќајни несреќи на меѓудржавниот пат 55 во Луизијана во кои учествуваа најмалку 158 возила, соопшти државната полиција, пренесува индекс.хр.
Повеќе од 25 лица се пренесени во болниците со повреди од полесни до критични, додаде полицијата во вечерното соопштение за медиумите.
Метеоролозите претходно соопштија дека „супер магла“ ја зафатила областа западно од Њу Орлеанс за време на несреќата. Супер магла е густа магла која се развива во влажни услови и може да ја намали видливоста на помалку од три стапки, според Националната метеоролошка служба.
Властите објаснија како некои од возилата се запалиле по првичниот судир. Едно од возилата вклучени во несреќите е цистерна што превезувала „опасна течност“, соопшти полицијата без да ја прецизира супстанцијата.
🚨#BREAKING: Hazardous Dense Fog mixed with Smoke has Cause a Catastrophic 25+ Vehicle Pileup with Multiple Injuries and Fatalities
📌#Manchac | #Louisiana
Currently, Numerous emergency personnel and other authorities are on the scene to a significant vehicle pileup occurring… pic.twitter.com/TaiVV1P9Fb
— R A W S A L E R T S (@rawsalerts) October 23, 2023„По отстранувањето на цистерната, службите за прва помош ќе можат подобро да ги проценат возилата во непосредна близина. Можно е да бидат лоцирани дополнителни жртви“, соопшти синоќа полицијата, пренесе Си-Ен-Ен.
Властите побараа од јавноста да се јави доколку имаат исчезнат член на семејството кој патувал во областа во понеделник наутро. Гувернерот на Луизијана Џон Бел Едвардс рече дека се моли за загинатите и повредените во несреќите.
„Комбинацијата од огнен чад и густа магла е опасна и сакам да ги повикам сите жители на Луизијана во погодените области да бидат исклучително внимателни додека патуваат“, напиша Едвардс на Х.
„Исто така, сакам да им се заблагодарам на првите лица кои реагираа и медицинскиот персонал кои работат толку вредно за да спасат животи и да пружат помош. Најдобриот начин на кој можете да им помогнете, освен да бидете внимателни на патот, е со дарување крв во вашиот локален центар. помогне да се надополнат залихите што се трошат денес за згрижување на повредените“, продолжи тој.
NEW ORLEANS (AP) — Officials say at least 7 killed in massive vehicle crashes in Louisiana due to 'Superfog.'pic.twitter.com/W3n6hdiYM0
— philip lewis (@Phil_Lewis_) October 24, 2023Локалниот шериф Мајк Трегре изјави дека три камиони со 18 тркала се судриле на северните ленти и биле целосно зафатени од пламен. Два судири на повеќе автомобили се забележани на југ, од кои еден се запалил. Трегре објасни дека спасувачите морале да тргнат пешки бидејќи несреќите „целосно ја затвориле“ областа.
„Ситуацијата е доста лоша“, нагласи тој. Неверојатно густата магла, позната како „супер магла“, е предизвикана од магла во комбинација со чад од блиските пожари. Луизијана од летото се бори со невидени шумски пожари, екстремни горештини и немилосрдна суша. Екстремната суша, највисоката категорија што ја следи американскиот монитор за суша, е присутна во 62% од државата.
