Верче Љубојна, Андријана Јаневска, Бојана Скендеровска, Александар Тарабунов, Ламбе Алабаковски, Полина, Владо Јаневски, Таско, но и младите и талентирани Александра Трајчевска, групата Blue, Драгана Јовановска, Јасмин Алиевски и Тиијана Периќ.., синоќа ги испеаја новите хитови на 38. издание на ,,Макфест”, кое се одржа во Домотна културата „Ацо Шопов“ во Штип.
![](https://mms.mk/wp-content/uploads/2023/10/makfest-2023-5-photo-vangel-tanurovski_mms-1024x642.jpg)
Задоволни од фестивалот беа и организаторите, и учесиците, но и публиката. Немаше стрес од награди, туку ревијално, а по реакцијата на разновидната публиката во салата се понуди музика за сечиј вкус, како за помладите, така и за повозрасните генерации.
![](https://mms.mk/wp-content/uploads/2023/10/makfest-2023-52-photo-vangel-tanurovski_mms-628x1024.jpg)
На убавата сцена не само што се слушнаа разновидни рефрени, туку и различни сценски настапи, интересни костими, тоалети на водителки и пејачки, шлицови, деколта, се светеше во знакот на фестивалот.
![](https://mms.mk/wp-content/uploads/2023/10/makfest-2023-59-photo-vangel-tanurovski_mms-583x1024.jpg)
На изненадување на сите фестивалот не го водеа само Димитар и Маријана, туку на втората вечер како водители се појавија Светлана Црнокрак, Миро Кацаров и Вера Јанковиќ, која не издржа а да не запее некој макфестовски рефрен, и да потсети на големината на фестивалот, за што од штипската публика доби голем аплауз.
![](https://mms.mk/wp-content/uploads/2023/10/makfest-2023-85-photo-vangel-tanurovski_mms-1024x764.jpg)
Градоначалникот на Општина Штип, Иван Јорданов синоќа на Пајак и Лара им додели парична награда од 120.000 денари, за најслушна песна во текот на годината.
![](https://mms.mk/wp-content/uploads/2023/10/makfest-2023-10-photo-vangel-tanurovski_mms-1024x635.jpg)
Изостана само познатата постфестивалската журка на градоначалникот, со пресекување на тортата и позитивни импресии од организторот и аплауз од присутните.
![](https://mms.mk/wp-content/uploads/2023/10/makfest-2023-18-photo-vangel-tanurovski_mms-1024x865.jpg)
Журка и торта имаше, да ама во клуб без макфестовски рефрени и без санремовски говор на градоначалникот, но според тоа што и тој уживаше во преполнетиот клуб на други актуелни песни, заклучокот е дека заврши уште едно успешно издание на фестивалот, на кој се испеани многу македонски забавни песни, од кои дел од нив ќе останат запишани длабоко во меморијата на публиката и за навек.
![](https://mms.mk/wp-content/uploads/2023/10/makfest-2023-27-photo-vangel-tanurovski_mms-1024x640.jpg)
Ако и од ова издание на фестивалот публиката одбере песни за навек, тогаш секако дека оправдан е епитетот- најдобар. Затоа во исчекување на 39тото издание, нека е слуша и понатаму поддржува македонската забавна музика.
![](https://mms.mk/wp-content/uploads/2023/10/makfest-2023-1-photo-vangel-tanurovski_mms-1024x645.jpg)
![](https://mms.mk/wp-content/uploads/2023/10/makfest-2023-39-photo-vangel-tanurovski_mms-794x1024.jpg)
![](https://mms.mk/wp-content/uploads/2023/10/makfest-2023-45-photo-vangel-tanurovski_mms-1024x676.jpg)
![](https://mms.mk/wp-content/uploads/2023/10/makfest-2023-67-photo-vangel-tanurovski_mms-584x1024.jpg)
Весна Миленковска
Фото: Вангел Тануровски
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)