На седмиот ден од штрајкот на собирачите на ѓубре, на улиците на Париз има околу 5.400 тони ѓубре, јави синоќа францускиот весник „Монд“, повикувајќи се на властите на градската општина.
Ѓубреџиите штрајкуваат како дел од протестот поради пензиската реформа бидејќи и за нив е поместена старосната граница за пензионирање од 57 на 59 години.
![](https://mms.mk/wp-content/uploads/2023/03/ле-монд-париз-1.png)
Жителите на Париз, иако загрижени поради насобраното ѓубре и можната појава на стаорци, рекоа дека го сфаќаат незадоволството на собирачите на ѓубре бидејќи работат тешка работа.
Синдикатите, дел од граѓаните и опозицијата се против пензиската реформа која предвидува поместување на старосната граница за пензионирање на 64, наместо на 62 години.
Оваа реформа претходно ја најави францускиот претседател Емануел Макрон, кој минатата година го почна својот втор, петгодишен мандат.
МИА
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)