Популарниот музичар, Ед Ширан соопшти дека на неговата сопруга ѝ бил дијагностициран тумот за време на бременоста со второто дете.
Имено, тие во мај 2022 година ја добија ќерката Јупитер, а исто така се родители и на Лира Антарктика. Пејачот и неговата сопруга не се огласуваа за време на нејзината бременост, но тој сега во објава на Инстаграм откри дека биле преплашени и се бореле со депресија и анксиозност бидејќи ѝ бил дијагностициран тумор кој не можела да го лекува за време на бременоста.
Пејачот неодамна ги откри сите детали.
„Работев на Subtract деценија, обидувајќи се да направам совршен акустичен албум, пишувајќи и снимајќи стотици песни со јасна визија за тоа што мислев дека треба да биде. Потоа, на почетокот на 2022 година, низа настани го променија мојот живот, моето ментално здравје и на крајот начинот на кој гледав музиката и уметноста. Пишувањето песни е мојата терапија. Тоа ми помага да ги разберам моите чувства. Пишував без да размислувам какви ќе бидат песните, пишував што и да испадне. И за нешто повеќе од една недела, ја заменив децениската работа со моите најдлабоки, најмрачни мисли“, наведе тој во објавата во која додаде:
„Во рок од еден месец, на мојата бремена сопруга ѝ рекоа дека има тумор и дека нема можност за лекување до породувањето. Мојот најдобар пријател Џамал, мојот брат, ненадејно почина и се најдов на суд бранејќи го мојот интегритет и кариера на текстописец. Поминував низ страв, депресија и анксиозност. Се чувствував како да се давим, со главата под површината, гледајќи нагоре, но не можев да здивнувам за воздух. Како уметник, не се чувствував како да можам веродостојно да изложам во светот дело кое не прецизно претставува каде сум и како треба да се изразам во овој момент од мојот живот. Овој албум е токму тоа. Ми ја отвора вратата на душата. За прв пат, не се обидувам да направам албум што ќе им се допадне на луѓето, туку само објавувам нешто што е искрено и точно за мојот возрасен живот. Ова е запис во дневник од минатиот февруари и мојот начин да го разберам тоа“, напиша Ед и набрзо доби голем број пораки за поддршка.
