Регионалниот ЦУК Штип известува дека пожар избувнал во 15 часот на куќа на ул. „Роза Гапева“ во штипската населба „Сењак“.
– Веднаш било интервенирано, но поради силината на пожарот дополнително се повикани уште 2 ПП возила и 7 пожарникари коишто не биле на смена, па вкупно пожарот го гаселе 4 ПП возила и 13 пожарникари. Пожарот бил изгаснат околу 17,30 часот. Изгорена е кровната конструкција и поткровјето на куќата . При интервенцијата еден пожарникар полесно се повредил. Екипа од Полицијата – СВР се на лице место, за да ги утврдат причините за пожарот, информираат од ЦУК.
