Поранешниот медицински техничар од Петрич, Бугарија, Стојчо Дајраџиев е осуден на 8 месеци. условна казна за издадавање на лажно лекарско уверение на струмичанец, кој документ македонскиот државјанин потоа го поднел за добивање на македонска возачка дозвола во Струмица.
Како што пишува „Струма“, ова е нова пресуда за 72-годишниот поранешниот медицински техничар, кој беше отпуштен од ФСМП – Сандански за друг инцидент.
Дајраџиев е обвинет затоа што на 25 ноември 2021 година во градот Петрич фалсификувал лажен документ, кој изгледал така како да е издаден од четворица лекари и му го предал на Митко Баџаков од Струмица. Со документот се потврдува пред органите на Секторот за сообраќајна полиција при Регионалната дирекција на Министерството за внатрешни работи – Благоевград дека ги положил испитите и е физички и психички способен да добие возачка дозвола. Пред судот 72-годишниот поранешен болничар се изјасни за виновен и постигна спогодба за признавање на вината со обвинителството да биде казнет со 8 месеци условна казна.
Пред 4 месеци, Стојчо Дајраџиев беше осуден на 8 месеци условна казна за идентичен обвинителен акт со правосилна одлука на Окружниот суд – Благоевград. Тој беше прогласен за виновен затоа што изготвил две лажни лекарски уверенија за здравствената состојба на двајца кандидати за возачи, со цел да потврдат пред органите на Министерството за внатрешни работи дека лицата поминале прегледи дека се физички и психички способни да им бидат издадени возачки дозволи.
Фалсификуваниот документ беше откриен 10 дена подоцна, откако еден сообраќаец во Петрич
се посомневал во автентичноста на медицинските документи. Кандидатите за возачи објаснија дека платиле 30 лева. Стојчо Дајраџиев призна дека му требале пари за операција на десното око, а бидејќи неговата пензија не била доволна, тој решил да бара начин да добие такви средства надвор од земјата, па почнал да прави лажни медицински уверенија потребни за издавање возачки дозволи со потписи и печати на 6 лекари од „Општински медицински центар“ – Петрич – хирург, офталмолог, ортопед,невролог, интернист и специјалист за ОРЛ.
Дајраџиев доброволно ги предал печатите на форензичките службеници, кои започнале истрага.
