Американската актерска ѕвезда Мајкл Даглас на прес-конференција на Меѓународниот филмски фестивал во Карлови Вари откри дека повеќе не планира да снима филмови освен ако не добие примамлива понуда и објасни зошто ја донел оваа одлука.
„Не работам од 2022 година бидејќи сфатив дека морам да престанам“, рече тој и додаде дека по децениска кариера, сака да ужива во слободното време, објавува Вариети.
„Работев доста напорно речиси 60 години и не сакам да бидам еден од оние што умираат на снимање“, рече тој.
Тој нагласи дека не се смета себеси за официјално пензиониран и дека е отворен за враќање во Холивуд доколку се укаже вистинска можност.
„Немам сериозни намери да се вратам. Велам дека не сум во пензија бидејќи би се вратил доколку се појави нешто посебно, но не и поинаку“, рече тој.
Зборувајќи за идеалната улога, тој изјави дека е среќен што го игра сопругот на неговата сопруга Кетрин Зета Џонс и дека тоа е тајната на добриот брак.
