Полициски службеници од Полициската станица за граничен надзор Блаце вчера околу пладне на ул.„Јадранска магистрала“ во Скопје, ги лишиле од слобода А.Т.(60) и Г.И.(54), двајцата од село Волково, Скопско, затоа што во возила „фиат стило“ и „фолксваген пасат“, двете со скопски регистарски ознаки, превезувале пет лица мигранти од Мароко.
Како што информираат денеска од МВР, претходно, полициските службеници ги забележале мигрантите како излегуваат од возилата и по преземени мерки возилата биле запрени, а возачите биле лишени од слобода.
По целосно документирање на случајот, против нив ќе биде поднесена соодветна пријава.
