Вистинска драма се случувала во забавен парк во САД. Пожарникарите успеале да спасат 28 лица, заглавени во парк во Орегон, Соединетите Американски Држави. Тие, како што може да се види на снимката подолу буквално висат наопаку на забавното тркало.
Кога возењето престанало, вработените во паркот веднаш повикале брза помош, која пристигнала околу 25 минути подоцна. Работниците за одржување потоа можеле да го вратат нишалото на позицијата за евакуација неколку минути подоцна.
Едно лице е однесено во болница како мерка на претпазливост, се вели во соопштението објавено на социјалните мрежи од забавниот парк Оукс во Портланд.
Во соопштението се додава дека во инцидентот немало повредени.
Крис Рајан вели дека тој и неговата сопруга, кои биле во паркот за неговиот роденден, требало да одат на возење кога виделе што се случува
Тој вели дека слушнал како луѓето велат: „О Боже, тие висат наопаку“.
