Градоначалникот со најдолг мандат во Бугарија го започнува својот 15-ти мандат. Станува збор за кметот на село Брјагово, Хасково, Делчо Митев кој победи уште во првиот круг. Митев прв пат станал градоначалник на 25 години и цел живот е тоа.
Делчо Митев беше предложен од коалицијата „БСП за Бугарија“ и на гласањето во неделата собра 144 гласа од сите 214 гласачи. Неговиот противкандидат Марко Марков од „Бугарија на регионите“ беше втор со 64 гласа и така Митев победи во првиот круг со 67,29 отсто поддршка.
Општинската изборна комисија во Хасково веќе го прогласи за официјално избран Митев, јави БТА. Делчо Митев е и претседател на Националната асоцијација на локални власти во Бугарија (НСКРБ), која обединува околу 430 локални власти.
72-годишниот човек седна во градоначалничката фотелја во далечната 1976 година директно од студентската барака. Во текот на животот немал друга работа, бидејќи градоначалник станал на 25 годишна возраст.
Тој е градоначалник веќе 47 години. Митев гласачите ма последните избори ги освоил со проектот за пречистителна станица за вода за пиење, кој не успеа да го реализира во минатиот мандат. Кога ќе биде завршен, објектот ќе опслужува шест села на територијата на три општини во Хасково, појасни Митев.
Според него, бугарското село има многу проблеми за решавање. Еден од нив е недостигот до здравствена заштита и медицинска нега, особено во помалите населени места, што е водечка потреба.
