Надвор било целосно темно, а ноќта била врнежлива, па Филип П. од американската сојузна држава Северна Каролина на 30 септември 2022 година ја внел својата адреса во Гугл Мапс и ги следел упатствата.
Она што тој не го знаел било дека навигацијата го носела директно преку мостот Сноу Крик во селото Хикори. Сепак, мостот веќе делумно се урнал во 2013 година.
На местото на влезот до мостот требало да има барикади за да ги спречат возачите да влезат на мостот. Меѓутоа, тие веќе биле вандализирани и отстранети кога возилото се приближило до мостот. Таткото на две деца, несомнено, продолжил право кон мостот и со својот теренец паднал во реката длабока шест метри, пишува Ревијахак.
За жал, тој не можел да излезе од автомобилот и се удавил.
Речиси една година подоцна, неговата вдовица Алиша П. сега го тужи Гугл. Во тужбата се наведува дека Гугл ги игнорирал поплаките за мостот и не ги ажурирал своите мапи за да ги одржува патиштата безбедни и проодни.
Од април 2023 година, Гугл Мапс сè уште го прикажува мостот како прооден, додека Гугл Стрит Вју го прикажува мостот недопрен, но тие слики се од октомври 2012 година.
Вдовицата поднела тужба и против државни функционери бидејќи, според адвокатот, тие имале должност и одговорност да го одржуваат мостот Сноу Крик. Но, тие не го направиле тоа и не поставиле соодветни бариери.
Оваа тужба покренува низа логични прашања, а целиот настан е предупредување – системите за навигација само ве упатуваат и, воопшто, не ја знаат моменталната состојба на патната инфраструктура, пренесува Б92.
