Градскиот парк во Струмица, 7 септември, второ издание на „Get EXITed“ настанот со возбудливи светски и регионални имиња. На Егзит во Струмица ќе настапат продуцентот, пејач и диџеј Џон Њуман, турскиот продуцент Бурак Јетер и пејачката Констракта. Организаторите на настанот, кој лани го посетија повеќе од 20.000 луѓе, најавуваат и други големи имиња, кои наскоро ќе бидат објавени.
Струмичкиот „Get EXITed“ го организира „ЕГЗИТ“ тимот во соработка со Општина Струмица, влезот на овој голем настан е слободен, додека за заинтересираните посетители кои имаат желба за ВИП секција, на овој линк има повеќе информации и детали.
„Струмица е Струмица! Се гледаме на 7 Септември на големиот GetExited. Од за мојата Струмица!“, напиша градоначалникот Костадин Костадинов.
Директорот на ЕГЗИТ, Душан Ковачевиќ најави дека на 7 септември, Струмица ќе биде домаќин на најголемите глобални и регионални музички имиња.
–Од првиот ‘Егзит’, гостите од Северна Македонија беа меѓу најбројните и особено задоволство ни е, уште еднаш да ја донесеме моќната енергија на ЕГЗИТ фестивалот во Струмица. Минатогодишното издание навистина ги надмина сите очекувања, за време на настанот немаше слободно сместување во околината на Струмица, туристите дојдоа од целиот регион, а на 7 септември со најголемите глобални и регионални имиња продолжуваме во уште посилен ритам“, најавува основачот и директор на ЕГЗИТ Фестивал Душан Ковачевиќ.
Најавувајќи ги годинашните ѕвезди на GetExited, организаторите го претставуваат Џон Њуман (Јohn Newman), суверената поп/соул ѕвезда со преку 2,5 милијарди стримови и дури девет одлични песни кои беа број 1 на светските топ листи. Њуман во Струмица го носи својот специјален хибриден настап, во чии рамки ќе ги изведе своите најголеми хитови. Зад себе има соработки со лидерите на музичкиот свет, меѓу кои се Дејвид Гета, Калвин Харис, Алесо, Рудиментал, Сигала, Најл Роџерс, Галантис и Кајго. Оствари настапи кои ја редефинираат кариерата, како што беше затворањето на фестивалот „Коачела“ со Калвин Харис, и приреди спектакуларни лајв изведби на настаните од светска класа, меѓу кои се „ЕГЗИТ“ и „Гластонбери“. Само што ја објави песната „Call Your Name“ со Алесо, на која предодредено ѝ е да стане глобален хит и која е прогласена за песна на неверојатниот „Тумороуленд“ фестивал! Њуман зад себе ги има песните кои ги знае цел свет, како „Blame“ (feat. Calvin Harris), „Love Me Again“, „If You Really Love Me“ (feat. David Guetta), „Feel The Love“ и „Not Giving In“ (feat. Rudimental), „Cheating“ и многу други.
Со своите исклучителни хитови, програмата ќе ја засили и Бурак Јетер (Burak Yeter), турскиот продуцент, хитмејкер и диџеј со речиси милијарда стримови само на „Јутјуб“. Изминатава деценија песните „Crash“, „Friday Night“, „Happy“, „Oh My My“ ја освојуваат планетата, радискиот етер и фестивалските сцени, додека „Tuesday“ заработи платинеста плакета во повеќе земји, а го создаде и многу забележителниот ремикс за прекрасната песна „My Life Is Going On“. Настапи на овогодишниот „ЕГЗИТ“ фестивал, на Главната бина Горки Лист, и во таа прилика уште еднаш го потврди својот статус на мега-ѕвезда која создава атмосфера и енергија за илјадници и илјадници луѓе.
Констракта беше првото најавено име на ова ново издание на „Get EXITed“ настанот. Една од најисклучителните музичарки од нашите простори и пошироко, го освои целиот свет со песната „In Corpore Sano“, што фрли заслужено светло на нејзината генијалност. На оние кои претходно не ја следеле нејзината самостојна работа им донесе целосно освежување и автентичност, но и изненаденост. „In corpore sano“ е дел од проектот „Triptih“, во кој се и песните „Nobl“ и „Mekano“, а авторка на сите текстови е Констракта. Следуваше уште еден триптих – „Evo, obećavam“, кој ја потврди посебноста на Констракта и нејзиниот тим, како и високите визуелни и музички стандарди кои ги поставија, со испраќање на силни и освестувачки општествени пораки.
Џон Њуман, Бурак Јетер и Констракта ќе донесат разновидност и квалитетен звук во прекрасниот струмички Градски парк, а уште имиња ќе бидат објавени наскоро! Влезот на овогодинешната грандиозна „Get EXITed“ журка е слободен, додека за заинтересираните посетители кои имаат желба за ВИП секција, повеќе информации и детали има на овој линк .
фото: EXIT
