Велигден не се слави само во црквите и душите, туку и на трпезите кои зрачат со симболика, топлина и дружење. Меѓу јадењата што ја красат велигденската трпеза посебно место зазема обредната погча. Таа не е само храна – таа е молитва во тестото, тивка порака на вткаена љубов, вера и благодарност.
Погачата со црвени јајца е направена со посебна грижа и значење. Тој леб, украсен со симболи, обликуван од раце кои ги почитуваат обичаите, е порака од предците која се пренесува од колено на колено.
Врз велигденскиот колач се ставаат црвени јајца – симбол на Христовата крв и воскресението. Тие не се само украс, туку сведоштво за верата и цикличноста на животот. Бројот на јајца одговара на бројот на членовите во семејството, а ставањето на секое јајце е чин на благослов, тивка молитва за здравје и мир во домот.
Тестото за оваа погача се меша внимателно и по рецепт кој се пренесува од колено на колено. Во млаката вода се додаваат квасец, лажичка шеќер, лажичка сол и четири лажици брашно. Кога тестото ќе се соедини, се додава малку масло и дополнително брашно за да биде поцврсто.
Погачата се прави од неколку делови од тестото: едниот дел се става во тавче, додека од остатокот се прават три ремени кои се плетат во плетенка и се ставаат околу рабовите. Сè премачкува со изматено јајце заради боја, а одозгора се ставаат бојадисани црвени јајца – и така лебот ќе стане симбол на празникот, пренесува телеграф.рс
