„Екстремно десничарскиот бугарски европратеник Ангел Џамбазки предизвика бес во Европскиот парламент, споредувајќи ги македонските парламентарци присутни во Стразбур со фашизам. Европратеникот од Партијата на зелените, Рајнхард Битикофер @bueti луто реагираше и побара Џамбазки да биде исфрлен од средбата“.
Со оваа објава и пренесено видео, бриселскиот медиум „ЕУ воч“ ја пренесе атмосферата и реакциите од Европскиот парламент во Стразбур, каде Бугарија беше критикувана за блокадата на Македонија во ЕУ.
Расправијата настана кога бугарскиот европратеник од бугарското ВМРО, Ангел Џамбаски, почна да го критикува претседавачот на либералната групација во ЕП, „Обнова на Европа“, бидејќи како што рече, „не споменал ниту еден збор за репресијата, насилството, и негирањето на правото на самоопределување“, против Бугарите во Македонија.
„Тоа е фашизам. Фашизам“, рече Џамбазки.
На ова Битикофер побара Џамбазки да биде исфрлен.
На ова претходеше обид на бугарските европратеници и на премиерот Николај Денков, да ја префрлат вината на Македонија, на што се спротивставија германските европратеници.
„Може ли некој да ги оспори искрените европски аспирации на Северна Македонија, која дури си го смени и името за да ѝ ги отвори вратите на Европа? По говорот на омраза од г. Џамбаски, би сакал да ве прашам, г. премиер, што ќе сторивте за да ја отворите вратата за Северна Македонија?“, го праша Бутикофер бугарскиот премиер Денков.