Манчестер Сити и Интер на 10 јуни ќе се сретнат во финалето на Лигата на шампионите на УЕФА на Олимпискиот стадион „Ататурк“ во Истанбул, Турција јавува Анадолу.
Подготовките на стадионот што ќе биде домаќин на овогодинешното финале се привршуваат.
Олимпискиот стадион „Ататурк“ по 2005 година, по втор пат ќе биде домаќин на големото финале на Лигата на шампионите на УЕФА.
Навивачите на италијанскиот претставник Интер ќе бидат на северната трибина, а навивачите на англискиот великан Манчестер Сити на јужната трибина.
Скоро 500 волонтери ќе бидат ангажирани за време на финалниот натпревар за да бидат на услуга на навивачите.
Канцеларијата на гувернерот на Истанбул и припадниците на полицијата ќе ги преземат потребните безбедносни мерки со цел навивачите безбедно и навремено да пристигнат на стадионот за да уживаат во последниот меч.
Ќе биде организиран и бесплатен превоз до стадионот.
УЕФА претходно соопшти дека околу 72.000 навивачи ќе го следат финалето на Олимпискиот стадион „Ататурк“.
Олимпискиот стадион „Ататурк“ се наоѓа во западниот дел на Истанбул и е најголемиот стадион во Турција Стадионот го доби името по првиот турски претседател Мустафа Кемал Ататурк. Изградбата на стадионот започна во 1999 година, а завршена е во 2002 година. Стадионот е изграден по повод кандидатурата на Турција за Олимписките игри.
извор: Анадолу
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
На претстојните Парламентарни избори:
- Ќе гласате затоа што Вашиот глас прави промена (39%, 187 Гласови)
- Ќе гласате затоа што гласањето е демократска придобивка (29%, 136 Гласови)
- . Не гласам затоа што не верувам дека изборите ќе донесат промена (19%, 91 Гласови)
- Не гласам, затоа што немам за кого (9%, 45 Гласови)
- Се’ уште не сте одлучиле дали ќе излезете на гласање (4%, 17 Гласови)
Вкупно гласови: 476