Интензивирањето на поддршката од Словенија во процесот на дигитализација на земјава, посебно во областа на поврзувањето меѓу државните институции, со бизнис заедницата од областа на информатичкото општество, во сферата на е-Влада и во дигитализацијата на јавната администрација, беа главни теми на денешната средба во Љубљана на премиерот Димитар Ковачевски со словенечката министерка за дигитализација Емилија Стојменова Дух.
Како што соопшти владината Прес-служба, премиерот Ковачевски рече дека споделувањето на словенечките искуства и позитивните практики во областа на дигитализацијата се значајни за земјава, во процесот на европските интеграции, но и на домашен план.
![Ковачевски - Стојменова Дух](https://new.mia.mk/articles/images/%D0%BA%D0%BE%D0%B2%D0%B0%D1%87%D0%B5%D0%B2%D1%81%D0%BA%D0%B8%D1%81%D1%82%D0%BE%D1%98%D0%BC%D0%B5%D0%BD%D0%BE%D0%B2%D0%B0%D0%B4%D1%83%D1%85%D1%81%D0%B5%D0%B8%D0%BD%D1%82%D0%B5%D0%BD%D0%B7%D0%B8%D0%B2%D0%B8%D1%80%D0%B0%D0%BC%D0%B0%D0%BA%D0%B5%D0%B4%D0%BE%D0%BD%D1%81%D0%BA%D0%BE%D1%81%D0%BB%D0%BE%D0%B2%D0%B5%D0%BD%D0%B5%D1%87%D0%BA%D0%B0%D1%82%D0%B0%D1%81%D0%BE%D1%80%D0%B0%D0%B1%D0%BEKVKRD/iVssPOL20/large.webp?use_watermark=1)
– Работиме на зголемување на бројот на електронски услуги кон граѓаните и бизнисите и сме фокусирани кон усогласување на националното законодавство со Европскиот кодекс за електронски комуникации, како и со Директивата на ЕУ за безбедност на мрежите и информациските системи и пакетот на алатки 5Г. Поврзувањето на владините институции, академската заедница, бизнис секторот, граѓанскиот сектор и генерално, дигитализирањето на процесите е важно и за подобрување на квалитетот на институционалните услуги, но и за ефикасна борба против корупцијата, бидејќи овој процес подразбира намалување на човечкиот контакт при некои услуги, рече Ковачевски.
Тој нагласи дека министерката Стојменова Дух, која е со македонско потекло и стана дел од Владата на словенечкиот премиер Роберт Голоб е пример дека Република Северна Македонија има квалитетен кадар со којшто може да се гордее и надвор од државата, а целта на Владата е со напредокот во евроинтеграциите да ги мотивира младите луѓе да живеат и работат во родната земја, во којшто процес е значајна словенечката поддршка.
![Ковачевски - Стојменова Дух](https://new.mia.mk/articles/images/%D0%BA%D0%BE%D0%B2%D0%B0%D1%87%D0%B5%D0%B2%D1%81%D0%BA%D0%B8%D1%81%D1%82%D0%BE%D1%98%D0%BC%D0%B5%D0%BD%D0%BE%D0%B2%D0%B0%D0%B4%D1%83%D1%85%D1%81%D0%B5%D0%B8%D0%BD%D1%82%D0%B5%D0%BD%D0%B7%D0%B8%D0%B2%D0%B8%D1%80%D0%B0%D0%BC%D0%B0%D0%BA%D0%B5%D0%B4%D0%BE%D0%BD%D1%81%D0%BA%D0%BE%D1%81%D0%BB%D0%BE%D0%B2%D0%B5%D0%BD%D0%B5%D1%87%D0%BA%D0%B0%D1%82%D0%B0%D1%81%D0%BE%D1%80%D0%B0%D0%B1%D0%BE516P7/LQdXXEAAp/large.webp?use_watermark=1)
Претходно денеска во Љубљана премиерот Ковачевски се сретна со неговиот словенечки колега Роберт Голоб, и со словенечката вицепремиерка и министерка за надворешни и европски прашања Тања Фајон.
Двајцата премиери потпишаа заедничка декларација за зајакнување на соработката меѓу двете држави, а една од областите на зајакната соработка ќе биде токму практичната поддршка на Словенија во натамошниот процес на преговори со Европската Унија.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)