Самостојниот синдикат за здравство, фармација и социјална заштита како потписник на Гранковиот колективен договор за здравствената дејност што опфаќа 15.000 вработени, реагира на изјавата на вицепремиерот Фатмир Битиќи во синоќешното гостување во „Тема на денот“ на телевизија „Сител“, за непотпишување на Анексот за иземување и дополнување на Колективниот договор за здравствената дејност со што треба да се зголемат платите на вработените во дејноста, а за што, како што наведуваат, се водат преговори од октомври минатата година со Министерството за здравство и Фондот за здравствено осигурување.
Самостојниот синдикат денеска побара итни средби со премиерот Димитар Ковачевски и министерот за здравство Фатмир Меџити. Доколку тие не се реализираат до крајот на оваа недела, в петок ќе се одржи седница на Советот на Самостојниот синдикат за здравство, фармација и социјална заштита на РМ каде ќе се донесе одлука за натамошни порадикални активности.
Во врска со барањето на Синдикатот на Клинички да се потпише договорот за поголеми плати до петок или ќе се активираат протестите, Битиќи во синоќешната емисија изјави дека тоа тешко оти ќе се случи.
– Ние инсистираме на општ колективен договор, кој ќе ги опфати сите во јавниот сектор, а понатаму да се дефинираат гранковите колективни договори. Избрзувањето да добиеме, што може да добиеме, не е решение. Ние покажавме дека подобро е да се дискутира, да има дијалог, оти решенијата кои ги наоѓаме се поодржливи. Тоа што го направивме со минималната плата е доволен доказ дека ако се преговара за да се најде одржливо решение, тоа ќе се најде, додаде Битиќи.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Неистакнување на македонското знаме при посетата на Претседателката Сиљановска Давкова на Бугарија е резултат на:
- Непочитување на државата Македонија (55%, 808 Гласови)
- Наивност на актуелната власт, а посетата превид на Кабинетот на Претседателката (17%, 254 Гласови)
- Порака дека нема дијалог додека не се исполнат бугарски условувања (13%, 185 Гласови)
- Превид на протоколот, се прави афера од ништо (9%, 136 Гласови)
- Порака дека Претседателката не е добредојдена (5%, 77 Гласови)
Вкупно гласови: 1.460
Loading ...
