Прифатен е предлогот на Основното јавно обвинителство кое бараше притвор за сопственикот на портал осомничен за четири дела – ширење на расистички и ксенофобичен материјал по пат на компјутерски систем, уцена, пиратерија на аудиовизуелно дело и злоупотреба на лични податоци.
Како што информираат од Кривичниот суд во Скопје, на осомничениот му е одреден притвор од осум дена.
По барање на ОЈО-Скопје, а врз основа на наредба од судија на претходна постапка, синоќа е извршен претрес во домот каде престојувал осомничениот, како и пребарување на компјутерски систем и компјутерски податоци.
Медиумите синоќа објавија дека по налог на Обвинителството бил извршен претрес во домот на сопственикот на „Доказ м“, Марјан Стаменковски во скопската населба Влае.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)